Ustad Nusrat Fateh Ali Khan was a majestic Pakistani legend of the music industry who introduced the genre of Qawwali to the international arena. He enthralled the whole world with his powerful vocals and intense love for Sufism. He is popularly known as "Shahenshah-e-Qawwali", meaning "The Emperor of Qawwali"
Credits Song: Aastan Hai Yeh Kis Shah e Zeeshan Ka
Singer/Author/Composer: Ustad Nusrat Fateh Ali Khan
Writer(s):



Aastan Hai Yeh Kis Shah e Zeeshan Ka Marhaba Marhaba!
Qalb Haibat Se Larzaañ Hai Insaan Ka
Marhaba Marhaba!
Hai Asar Bazm Par Kis Ke Faizan Ka
Marhaba Marhaba!
Ghar Basaane Meri Chashm e Veraan Ka
Marhaba Marhaba!

Chaañd Nikla Hasan Ke Shabistaan Ka
Marhaba Marhaba!



Sar Ki Zeenat Amama Hai Irfaan Ka
Marhaba Marhaba!
Jubba Tan Par Muhammad ﷺ Ke Ehsaan Ka
Marhaba Marhaba!
Rañg Aañkhoñ Meiñ Zahra Ke Faizan Ka
Marhaba Marhaba
Roop Chehre Pe Ayaat e Quran Ka
Marhaba Marhaba !

Saj Ke Baitha Hai Naushaah Jeelan Ka Marhaba Marhaba!



Bazm e Kaun o Makaañ Ko Sajaya Gaya
Aaj Salle Ala
Saayebañ Rahmatoñ Ka Lagaya Gaya
Aaj Salle Ala
Ambiya, Auliya Ko Bulaya Gaya
Aaj Salle Ala
Ibn e Zahra Ko Doolha Banaya Gaya
Aaj Salle Ala

Urs Hai Aaj Mahboob e Sub’han Ka
Marhaba Marhaba! ..



Aasmañ Manzilat Kis Ka Aivaan Hai
Wah Kya Shaan Hai!
Aaj Khalq-e-Khuda Kis Ki Mahman Hai
Wah Kya Shaan Hai!
La Takhaf Kis Ka Mash’hoor Farman Hai
Wah Kya Shan Hai!
Bil Yaqeeñ Wo ShahinShaah-e-Jeelaan Hai
Wah Kya Shan Hai!

Haq Diya Jis Ko Qudrat Ne Eilaan Ka
Marhaba Marhaba!



Har Taraf Aaj Rahmat Ki Barsaat Hai
Wah Kya Baat Hai!
Aaj Khulne Pe Qufl-e-Mohimmaat Hai
Wah Kya Baat Hai!
Chaar Soo Jalwa Araayi-e-Zaat Hai
Wah Kya Baat Hai !
Koi Bharne Pe Kashkol-e-Haajaat Hai
Wah Kya Baat Hai !

Jaagne Ko Muqaddar Hai Insan Ka,
Marhaba Marhaba !



Koi Mahv-e-Fughañ, Koi Khaamosh Hai,
Ab Kise Hosh Hai
Saaz-e-Mutrib Ki Lai Naghma Bardosh Hai,
Ab Kise Hosh Hai
Aql Hairat Ke Parde Meiñ Ruposh Hai,
Ab Kise Hosh Hai
Bazm Ki Bazm Masti Dar-Aaghosh Hai,
Ab Kise Hosh Hai

Pee Ke Saaghar Ali Ke Khumistaan Ka,
Marhaba Marhaba!



Kya Haseeñ Manzar-e-Jood o Ikraam Hai,
Daawat-e-Aam hai
Ahl-e-Dil Ki Nazar Masti Aashaam Hai,
Daawat-e-Aam hai
Hashr Tak Muddat-e-Gardish-e-Jaam Hai,
Daawat-e-Aam hai
Dast-e-Jibreel Masroof-e-It’aam Hai, Daawat-e-Aam Hai

Khaao Sadqa Ali Shaah-e-Mardaan Ka,
Marhaba Marhaba!



Shamm-e-Tauheed Dil Meiñ Jala Kar Piyo,
Dil Laga Kar Piyo
Shaah-e-Bat’ha Ki Khairat Paa Kar Piyo,
Dil Laga Kar Piyo
Shaikh Ke Aastane Pe Aa Kar Piyo,
Dil Laga Kar Piyo
Aañkh Mehr-e-Ali Se Mila Kar Piyo,
Dil Laga Kar Piyo

Khud Pilaane Pe Saqi Hai Jeelan Ka,
Marhaba Marhaba!



Hai Ajab Husan Ka Baañkpan Saamne,
Ik Chaman Saamne
Ahl e Tat’heer Haiñ Khaima Zan Saamne,
PanjTan Saamne
Hai Ye Roo-e-Hasan Ki Phaban Samne,
Ya Hasan Samne
Jalwa Farma Haiñ Ghaus-e-Zaman Samne,
Zaufigan Samne
Dekhiye Kya Bane Chashm-e-Hairan Ka,
Marhaba Marhaba!



Gulshan-e-Mustafa Ki Phaban Aur Hai,
Ye Chaman Aur Hai
Shah-e-Abraar Ki Anjuman Aur Hai,
Ye Chaman Aur Hai
Boo-e Gul-Dasta-e Panjtan Aur Hai,
Ye Chaman Aur Hai
Shaan e Aal e Husain o Hasan Aur Hai,
Ye Chaman Aur Hai

Sarmadi Rang Hai Is Gulistan Ka,
Marhaba Marhaba!



Faqr Ki Saltanat Turfa Saamaan Hai,
Rahmat Aivaan Hai
Is Ke Zer-e-Nageeñ Qalb-e-Insaan Hai,
Ijz Unwaan Hai
Kis ka Dast-e-Nazar Kaasa Gardaan Hai,
Aql Hairaan Hai
Ik Wali Zaib-e-Aurang-e-Irfaan Hai,
Waah Kya Shaan Hai!

Sar Jhuke Hai Yahañ, Meer o Sultan Ka,
Marhaba Marhaba!



Har Ghadi Mehrbaañ Zaat-e-Baari Rahe,
Faiz Jaari Rahe
Khaak Bosi Pe Baad-e-Bahaari Rahe,
Faiz Jaari Rahe
Aalam-e-Kaif Meiñ Bazm Saari Rahe,
Faiz Jaari Rahe
Bekhudi Teri Mastoñ Pe Taari Rahe, Faiz Jaari Rahe

Meñh Barasta Rahe Tere Ehsaan Ka,
Marhaba Marhaba!



Arsh-e-Asraar Tak Jis Ki Parvaaz Hai,
Turfa Andaaz Hai
ILm-e-Laahoot Ka Hasil E’jaaz Hai,
Turfa Andaaz Hai
Zohd o Taqwa Meiñ Yakta o Mumtaaz Hai,
Turfa Andaaz Hai
Aabru-e-Chaman Taa Qaamat-e-Naaz Hai,
Turfa Andaaz Hai

Peer Mehr-e-Ali Qutb-e-Daouraan Ka, Marhaba Marhaba!



Golre Ki Zameeñ Kitni Mas’ood Hai,
Khitta-e-Jood Hai
Peer Mehr e Ali Jis Meiñ Maujood Hai,
Khitta-e-Jood Hai
Kya Haseeñ Manzar e Shan e Maabood Hai,
Khitta e Jood Hai
Har Aayaaz Iska Humghosh e Mahmood Hai,
Khitta e Jood Hai

Auj Paya Hai Birjees o Kaiwaan Ka,
Marhaba Marhaba!



Tere Deewane Hazir Hain Sarkar Mein,
Aaj Darbar Meiñ
Sar Jhukaaye Janab-e-Gohar-Baar Meiñ,
Aaj Darbar Meiñ
Ban Ke Saa’il Teri Bazm-e-Anwaar Mein,
Aaj Darbar Meiñ
Yusuf-e-Misr-e-Dil Tere Baazaar Mein,
Aaj Darbar Meiñ

Jashn Hai Kya Dil-Afroz Irfan Ka,
Marhaba Marhaba!



Dar-baDar Muft Ki Thokareñ Khaaye Kyoñ, Haath Phailaaye Kyoñ?
Maañgne Kooy-e-Aghyaar Meiñ jaaye Kyoñ,
Haath Phailaaye Kyoñ?
Uske Naamoos-e-Ghairat Pe Harf Aaye Kyoñ,
Haath Phailaye Kyoñ?
Dil Qana’at Se Ki Zau Se Na Chamkaye Kyoñ,
Haath Phailaye Kyoñ?

Jo Namak-Khwar Ho Peer-e-Peeran Ka,
Marhaba Marhaba!


Lollypop Studio Official YouTube Channel, for more video subscribe our channel and for suggestion please use the comment section.