方力申夥黃翠如主持飲食節目互嘲勁有花火 評判幟哥顧紀筠認評分有難度 |
|
方力申夥黃翠如主持飲食節目互嘲勁有花火 評判幟哥顧紀筠認評分有難度
全新節目《拍檔廚房》又有機會畀一班鍾意下廚嘅藝人拍住大廚一齊切磋廚藝,節目由方力申同黃翠如主持,評判有「幟哥」黃永幟、 顧紀筠、楊傳亮、謝嫣薇等,以及有份參加比賽嘅張曦雯同徐榮,呢日佢哋出席節目拜神儀式,連志偉哥都到場為大家打氣。 小方於18年前曾主持《美女廚房》,今次再主持飲食節目,拍住翠如一齊合作,佢哋未roll機已經好有花火,翠如忽然爆小方唔識煮嘢食,小方即為自己平反,笑指男神廚房都贏過一集咁啦! 張曦雯於2018年靠實力取勝,獲封「美女廚神」稱號,徐榮就曾做過廚師,二人雖然廚藝了得,不過佢哋坦言工作太忙,近年冇咩時間下廚,徐榮更係非常忙碌,皆因佢最近榮升火鍋店老闆,逆市下進軍飲食業,佢就好有信心。此外,評判幟哥同顧紀筠坦言評分有難度,一定要認真去畀意見。 #拍檔廚房 #下廚 #藝人 #方力申 #黃翠如 #拍檔廚房 #幟哥 #黃永幟 #顧紀筠 #楊傳亮 #謝嫣薇 #張曦雯 #徐榮 #美女廚房 #美女廚神 #廚藝 #火鍋店 #老闆 #逆市 #進軍 #飲食業 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁 https://www.facebook.com/TVBENews 登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0 |