無綫綜藝歌唱真人騷《中年好聲音》，展開第四部曲首回合《導師分組賽！情歌PK戰！》，代扛綠組的何博文、羅啟豪，則雙雙合唱經典名曲《Nothing's Gonna change my love for you》、《求你講清楚》，可惜表現一般，幾位評審都不太Buy博文的唱腔。

評審張佳添指，「你們兩人都以靚聲取勝，但總缺了什麼而未夠感動。英國豪你比較真誠點，但你們無好好利用舞台、無交流，如果可以改善到，唱到最後一段，會有層次感。」伍仲衡激動稱，「何博文我同你講咗好多次，你唱歌吾好太Show Off，太賣弄技藝、過多技巧，我受不了，講故事變咗唔夠投入。唱歌Less is more就啱喇，不過你已經刪減了好多好多，係咪彭家麗老師禁走咗你好多(技巧)。」