السلام عليكم..

رحلتنا بشهر ٦-٢٠١٩ وملاحظه كانت للاسترخاء ... يعتبر عندهم موسم شتا يبدأ من شهر 5 إلى 10 الجو باختصار منعش وجميل ويصلح للسباحه بس لازم تاخذون معاكم شال او بلوفر او جاكيت خفيف لليل خصوصا للاطفال طبعا حاشنا مطر والفندقين الي سكنا فيهم موفرين مظله umbrella.

بالنسبه لتجربة سواقة السياره طبعا ريلي الي ساق اول مره يسوق على الجهه اليمين وكانت صعبه اول مره فقط عقب جدا سهالات واصلا ممتعه وتوفرون خصوصا الي فنادقه بعاد عن بعض مثلا واحد جنوب واحد بشمال لان حسب ماسمعت التكاسي غاليه ،سعر السياره اول شي خذا المكتب مبلغ ٢٢٠دك كامل مع التامين عقب مارجعنا السياره خصم مبلغ السياره ١٤٠دك تقريبا ورجع الباجي لمدة ٩ ايام،الاكل الاغلب حلال لان عندهم نسبة مسلمين .

الفندق-- قعدنا بفندقين وكلهم تبع شركه وحده HERITAGE وعلى هالاساس قسمت الفيديو جزءاول اقامتنا بفندق HERITAGE THE VILLAS وعلى فكره الجيك ان بالفندق الي حاجزين له للمده الثانيه وان شاء الله راح اتشوفونه بتفصيل بالجزء الثاني بس بس لاتنسون الاشتراك وتفاعلكم معاي هههه ولايك واسم الفندق HERITAGE LE TELFAIR وموقعهم بالجزء الجنوبي للجزيره ويبعدون تقريبا اقل من ساعه عن المطار.

العمله روبي موريشي بالكويت ماحصلنا صرف لعملتهم بغلب الاماكن ومنها المطار بس ماجيكنا بسوق الديره المباركيه بهالحاله تصرفون دولارات وتحولونهم بديره وماعندي فكره عن الصرف هناك لان ماحولناهم اعتمدنا عالكي نت وكنا بعض المرات نسحب من مكينه بموقعها مذكور بالفيديو مكان صيدليه وسوبرماركت... لكن انتبهو في مكينتين وحده صرفها احسن بضبط مكانها اول ماتطلعون من باب السوبرماركت بويهكم او شويه يمين وهم يمينها في كوفي شوب والمكان يبعد عنه ربع ساعه.

انتظروا الجزء الثاني في وايد فعاليات واماكن سياحيه لاتنسون الاشتراك وتفعيل الجرس علشان يوصلكم ولايك وبس

وهذا الجزء الثاني مشاهده ممتعه
https://youtu.be/q3XQxLlh9YA
#موريشيوس#Heritage#.