HEADLINES:

1. Chief Minister Pu Lalduhoma chuan vawiin khan a pisaah Mizoram Environment & Forest Consultative Forum (MEFCOF) hruaitute kawmin an ruahmannate a hlawhtlin theih nan sorkarin thawhpui zel a tum dawn thu a sawi.

2. Chief Minister Pu Lalduhoma hoa vawiina thukhawm chuan Mizorama thar chhuah buhhum lei khawm chungchang relin zirchiang tur team an din nghal bawk.

3. Principal Chief Conservator of Forests AK. Biswal chuan vawiin khan International Day for Biological Diversity 2024 lawmna hun hmanpuiin tu leh fate tana chenna tlak ram siam turin mi tinin mawhphurhna an nei tih a sawi.

4. Mizoram State Library, Art & Culture Department chuan Millennium Center tualzawlah Public library Day lawmin Library membership cum awarness drive an nei.

5. Mizo National Youth Front Hqrs hruaitute chuan Mamit Dist-a sorkar hmalaknate tlawhin, sorkar hmasa hnathawh sorkar tharin tha taka an chhunzawm chu lawmawm an tih thu an sawi.

6. Directorate of Information and Public Relations leh Mizoram Film Forum (MFF) tangkawp huaihawt, ni nga chhung awh tur Acting Training chu vawiin khan I&PR Auditorium, Aizawlah neih tan a ni.

7. Lunglei Dist. Bawrhsap Pi Ramdinliani chuan vawiin khan World TB Day 2024 denchhena TB Free Village Ceremonial Function, DEO Conference Hall, Lungleia hun hman chu telpuiin TB Free Village nei tam ber district an ni thei chu thawktute inpekna leh khawtlang hruaitute hmalakna rah a nih thu a sawi.

8. Anti-Drugs Squad, Mara Thyutlia Py (MTP) Siaha chuan kumin February atanga May thlenga an ruihhlo mante chu vawiin khan an halral.

9. Khawzawl Police te chuan nizan leh nizan hmasa khan Khawzawl Chhumliamkawnah khawchhak lam atanga dan phal loha Kuhva tawlhruk, tualchhung rate-a cheng nuai 195, sing 4 (1,95,40,000) hu an man.

10. Prime Minister Narendra Modi chuan ram chhunga startup dintu eng emaw zat te zinkawng chu fakawm a tih thu a sawi.

11. Higher Education Secretary, Sanjay Murthy chuan ram pum huap zirtirtu tha chawimawina National Awards to Teachers (Higher Education) 2024 dawng thei tur hming thehluhna tur portal a tlangzarh.

12. Lok Sabha Inthlan thawh hnih la hmabak atan ngawrh takin campaign neih chhunzawm a ni.

13. Lok Sabha Inthlan thawh sarihna leh a tawp berna, thla thar June ni 1 a neih turah candidate 904 an awm.

14. Congress MP Shashi Tharoor chuan BJP in tun tum Lok Sabha inthlanah hnehna ropui tak an chang dawn nia an sawi chu ngaihruatna mai a ni tih a sawi.

15. National Investigation Agency (NIA) chuan bomb hmanga Rameshwaram Cafe beihna an chhui kalzelah, ram chhung state palia hmun eng emaw zah an dap.

16. World Economic Forum in kum 2024 atana khawvel pum huap tourism lama hmasawn ram, Travel & Tourism Development Index a tihchhuahah India chu 39-na ah a inhlang kai.

Follow DD Mizoram:
https://www.facebook.com/DDNewsMizoram
https://www.instagram.com/ddnews_mizoram
https://twitter.com/DDNewsMizoram