Yaad-e-Nabi Ka Gulshan Mehka Mehkaa Lagta Hai

 

Yaad-e-Nabi Ka Gulshan Mehka Mehkaa Lagta Hai
Mehfil Main Maujood Hain Aqa Aisa Lagta Hai

 

Naam-e-Muhammad ﷺ Kitna Meetha Meetha Lagta Hai
Pyare Nabi ﷺ Ka Zikr Bhi Hum Ko Pyara Lagta Hai

 

Lab Par Naghme Salle-alaa Ke Haathoñ Meiñ Kashkol
Dekho To Sarkar Ka Mangta Kaisa Lagta Hai!

 

khaak hai hum or khaak zamana or wo noor he noor
Kaise Kahooñ Kamli Wala Hum Jaisa Lagta Hai.

 

Ghaus, Qutab, Abdaal Qalandar Sab Unke Mohtaj
Mera Daata Har Daata Ka Daata Lagta Hai.



Aao Sunayeñ Apne Nabi Ko Apne Gham Ki Baat,
Inke Alaawa Kaon Niyazi Apna Lagta Hai.