HEADLINES:

1. Champhai Police-te chuan Champhai DC Multipurpose Hall atanga kuhva rah ro man tawh ruk chhuah tum mi pasarih an man.

2. Aizawl Traffic Police report atanga a lan danin kumin January atanga April thla thleng khan lirthei khalhtu, dan bawhchhia 3,168 man an ni tawh.

3. Mizo Zirlai Pawl (MZP) General Headquarters, Aizawl chuan vawiin khan Vanapa Hall-ah High School Leaving Certificate (HSLC) Examination 2024 Top 10-a Mizo tlingte chawimawina hun a buatsaih.

4. Mizoram Rural Bank Officers Association chuan vawiin khan MZU Auditorium-ah General body meeting vawi 17-na an nei.

5. Kumin chungin vawk pul hri African Swine Fever (ASF) vangin Mizoramah vawk 916 a thi tawh.

6. Mizoram Police chuan vawiin khan thuchhuah siamin Mizo hmeichhia housemaid pathum E&K Agency, Vaivakawn-in November ni 6, 2022 a Syria-a a thawn thlakte'n harsatna an tawh chungchanga Mizoram sorkar hmala tawk lo anga Social media a tarlan chu thu belhchian dawl lo a nih thu an tarlang.

7. Environment, Forests & Climate Change minister Pu Lalthansanga chuan a bial chhung Zemabawk a NGO, Welfare, Kohhran zawng zawng leh Zemabawk Local Council Sanitation Committee tangrual hnatlangpui a telpui.

8. Mizoram Journalist Association, Kolasib District-te chuan Kolasib khawpui bawlhhlawh sawngbawlna Solid Waste Management Centre, Dihmuntlang an tlawh.

9. Mamit district Drug Disposal Committee hmalaknain Mamit District Executive Force (DEF) hnuaia Police Station hrang hrangin ruihhlo an man, court-in tihral tura thutlukna a siam tawh thahnem tak chu Mamit District Hospital bawlhhlawh halnaah nimin tlai khan halral a ni.

10. Lok Sabha inthlan thawh rukna atana campaign hun chu vawiin tlai khan a tawp.

11. Ram hruaitu lute'n Buddhist sakhaw dintu Gautama Buddha pianchampha pualin ram mipuite duhsakna an hlan.

12. Indian Cyber Crime Coordination Centre (I4C) chuan tun hnaiah cyber hmanga India beihna a pun thu a puang.

13. Chief of Defence Staff, General Anil Chauhan chuan India ram cyber defence theihna tihchak a tul thu a sawi.

14. Vice President Jagdeep Dhankhar chu helicopter chetsualnaa boral Iran ram hruaitu pahnihte hriatrengna hunah a tel.

15. Prime Minister Narendra Modi chuan India chu tun hnaiah khawvela ram economy thang chak ber pawlah a inhlangkai a ni, a ti.

16. Firfiaka chetna do kawnga India leh United Kingdom thawhhona, India-UK Joint Working Group On Counter Terrorism thutkhawm vawi 16-na New Delhi ah neih a ni.

17. Information and Broadcasting (I&B) Ministry Secretary Sanjay Jaju chuan thalai animation leh visual effects lama tuite National Centre Of Excellence in zirtirna a pe dawn tih a sawi.

Follow DD Mizoram:
https://www.facebook.com/DDNewsMizoram
https://www.instagram.com/ddnews_mizoram
https://twitter.com/DDNewsMizoram