video title: Dunya ki Mehfilon se ukta gaya hun ya Rab | ik Arzoo by Allama Iqbal | Best Urdu Shayari

aj ki video main ap sun sakty hain sad urdu poetry. pakistani and indians fans like urdu and hindi poetry . ap urdu shayari sun kr bohat acha feel krain gy. ic shayari ko ap whatsapp status aur facebook status k tor pr bhi lga sakty hain. kuch poetry ki batain asi hoti hain jo ap ko sad kr deti hain kuch ap ko motivate kr deti hain . mujhe umeed he apko ye videos pasand ain gi.
agr pasasnd aye to like aur share zaroor karain. is se hamari hosla afzai hoti he aur hum ap kelie aur bhi urdu shayari video banaty rahain geye.
please subscribe our channel for more.
#UrduPoetry
#AllamaIqbal
#urdushayari
#besturdushayari

Dear Friends . this is about Urdu Shayari addab video . if you like urdu shayari or urdu poetry then this Urdu Shayari Addab Channel is specially for you and you can hear and watch your favourite Poet's poetry with urdu and roman urdu lyrics for other language speaker which are urdu poetry lover and want to listen urdu poetry and understand.
اردو شاعری,sad poetry,Urdu Poetry Collection
this channel is favourite for Best Urdu Shayari / urdu poetry
you can watch all famous Poet's poetry like
Allama Iqbal, Faiz Ahmed Faiz, Mirza Ghalib, Bahdur Shah Zafar ( which is famous for his Sad Poetry/ Ghamgeen Shayari), and Much more you like.



-----------------------------------------------------
nazm layrcs
duniya ki mahfilon se ukta gaya hun ya rab
kya lutf anjuman ka jab dil hi bujh gaya ho

shorish se bhagta hun dil DhunDta hai mera
aisa sukut jis par taqrir bhi fida ho

marta hun KHamushi par ye aarzu hai meri
daman mein koh ke ek chhoTa sa jhonpaDa ho

aazad fikr se hun uzlat mein din guzarun
duniya ke gham ka dil se kanTa nikal gaya ho

lazzat sarod ki ho chiDiyon ke chahchahon mein
chashme ki shorishon mein baja sa baj raha ho

gul ki kali chaTak kar paigham de kisi ka
saghar zara sa goya mujh ko jahan-numa ho

ho hath ka sirhana sabze ka ho bichhauna
sharmae jis se jalwat KHalwat mein wo ada ho

manus is qadar ho surat se meri bulbul
nanhe se dil mein us ke khaTka na kuchh mera ho

saf bandhe donon jaanib buTe hare hare hon
naddi ka saf pani taswir le raha ho

ho dil-fareb aisa kohsar ka nazara
pani bhi mauj ban kar uTh uTh ke dekhta ho

aaghosh mein zamin ki soya hua ho sabza
phir phir ke jhaDiyon mein pani chamak raha ho

pani ko chhu rahi ho jhuk jhuk ke gul ki Tahni
jaise hasin koi aaina dekhta ho

mehndi lagae suraj jab sham ki dulhan ko
surKHi liye sunahri har phul ki qaba ho

raaton ko chalne wale rah jaen thak ke jis dam
ummid un ki mera TuTa hua diya ho

bijli chamak ke un ko kuTiya meri dikha de
jab aasman pe har su baadal ghira hua ho

pichhle pahr ki koyal wo subh ki moazzin
main us ka ham-nawa hun wo meri ham-nawa ho

kanon pe ho na mere dair o haram ka ehsan
rauzan hi jhonpaDi ka mujh ko sahar-numa ho

phulon ko aae jis dam shabnam wazu karane
rona mera wazu ho nala meri dua ho

is KHamushi mein jaen itne buland nale
taron ke qafile ko meri sada dira ho

har dardmand dil ko rona mera rula de
behosh jo paDe hain shayad unhen jaga de