HEADLINES:

1. Chief Minister Pu Lalduhoma chuan Bairabi leh Sairang inkara Rel kawng siam mek chungchang sawipuiin vawiin khan NF Railways General Manager, Chetan Kumar Shrivastava leh a thawhpuite a kawm.

2. Chief Minister Pu Lalduhoma ho in Ruihhlo do kawnga hmalak zel dan tur duangin Ruihho Do core Committee an thukhawm.

3. AH & Vety Minister Pu C. Lalsawivunga ho in vawiin khan African Swine Fever dinhmun thlirletna leh hmalakna tur te sawiho a ni.

4. Mizoram Board of School Education chuan Higher Secondary School Leaving Certificate Examination result vawiina tihchhuah takah, zirlai exam za-a 78.4 in hlawhtlinna an chang.

5. HSSLC examination result atanga a landanin, Art suubject bikah School hrang hrang zingah Deficit School pass percentage a tha ber.

6. Mizo Students’ Union: General Headquarters, Aizawl chuan vawiina HSSLC result-a Mizo zirlai 34 te’n stream hrang hranga Top 10 an inhlangkai thei chu lawmawm a tih thu a sawi.

7. Mizoram State Commission for Women Chairperson Pi Lalchhandami chuan vawiin khan Union Ministry of Social Justice and Empowerment Jt Secretary Radhika Chakravarthy hmu in, Mizo hmeichhiate dinhmun a sawipui.

8. AMC leh Save The Riparian tangkawpin vawiin nileng khan Tuikual Lui hnatlangin an thian fai.

9. Chakma Autonomous District Council Executive Member atana ruat thar, Supreme Raj Chakma chu vawiin khan Lawngtlai Additional Deputy Commissioner Pi B. Malsawmtluangi’n rinawmna thu tiamtirin a la lut.

10. Lok Sabha inthlan thawh 5-na neih zawh takah vote za zela 60.09 a tla.

11. Lok Sabha inthlan thawh hmabak atan party tinte ngawrh takin an campaign.

12. Vawiin hi firfiaka chetna dona ni Anti-terrorism Day a ni a, ram chhung hmun hrang hrangah he ni pual hian hun hman a ni.

13. Ram chhungah khaw lumin zual lam a pan zel avangin Delhi sorkar chuan June ni 30 thleng zirlai naupangte nipui chawlh a pe.

14. Indian Meteorological Department (IMD) chuan tun ni li lo awm turah hian ram chhung hmun hrang hrangah khua a lum belh dawn niin a tarlang.

15. India chuan Iran President Dr. Seyed Ebrahim Raisi thi a uizia lantir nan nilenga sunna vawiin khan a hmang.

16. Delhi Court chuan Aam Admi Party AAP hruaitu Manish Sisodia khuahkhirhna May 31 thleng atan a pawt sei.

Follow DD Mizoram:
https://www.facebook.com/DDNewsMizoram
https://www.instagram.com/ddnews_mizoram
https://twitter.com/DDNewsMizoram