Bhooli hui sada hu mujhe yad kijye
Tum se kahee mila hu mujhe yad kijye

Manzil nahe hu, khizar nahe, rahzan nahe
Manzil ka rasita hu mujhe yad kijye

Meri nigah-e-shouq se har gul he dew'ta
Me ishq ka khuda hu mujhe yad kijye

Naghmo ki ibtda thi kabhi mere naam se
Ashkon ki intha hu mujhe yad kijye

Gum sum khari hein dono jahan ki haqeqtein
Mein un se keh raha hu mujhe yad kijye

SAGAR kisi ke husan-e-taghaful sha'ar ki
Behki hui ada hu mujhe yad kijye