大聲相隔8年訪台開唱 以歌聲征服三千歌迷 |
|
大聲相隔8年訪台開唱 以歌聲征服三千歌迷
韓國天團BIGBANG曾經紅極一時,不過自從T.O.P.同勝利爆出重大醜聞後,就只係得返G-Dragon、太陽同大聲繼續活動,聲勢大不如前。呢一兩年成員陸續展開海外個人活動,G-Dragon早前喺社交平台宣布會有新作品後,大聲亦相隔8年去到台灣開演唱會,吸引近3千歌迷支持。 大聲一開場就先以靚聲征服全場,加上BIGBANG對上一次到台灣開唱經已係2016年嘅事,呢日亦勾起唔少大聲對台灣歌迷嘅回憶,而大聲精心安排歌單,以音樂同大家重溫過往嘅歷程,除咗自己嘅Solo作品好似《Flow》、《Laugh It Off》等﹐亦包括BIGBANG嘅大熱金曲《FANTASTIC BABY》、《BANG BANG BANG》令現場到V.I.P(Fans稱號)聽到相當感動。 大聲為台灣開唱亦學咗幾句中文同大家互動,除咗介紹自己之外,仲用中文話好掛住台灣嘅Fans,大聲最後兩度安歌先離開,相信呢晚V.I.P們一定大滿足喇。 #BIGBANG #姜大聲 #大聲 #VIP #Flow #台灣開唱 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁 https://www.facebook.com/TVBENews 登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0 |