"Mahanati " : Celebrities Shower Praises on Keerthy Suresh for Getting National Award //CV9 News |
|
|
‘మహానటి’ ద్వారా సావిత్రి పాత్రను వెండితెరపై అంతే గొప్పగా పోషించిన నటి కీర్తి సురేశ్‌కు అరుదైన గుర్తింపు లభించింది. సావిత్రి
జీవిత కథ ఆధారంగా నాగ్‌ అశ్విన్‌ దర్శకత్వంలో తెరకెక్కిన ‘మహానటి’లో టైటిల్‌ పాత్ర పోషించిన కీర్తి సురేశ్‌కు కేంద్ర ప్రభుత్వం నుంచి జాతీయ స్థాయి ఉత్తమనటి పురస్కారం లభించింది. జాతీయ ఉత్తమ తెలుగు చిత్రంగానూ ‘మహానటి’ ఎంపికైంది. మహానటి సినిమాకు ఉత్తమ కాస్ట్యూమ్‌ డిజైనర్‌ విభాగంలోనూ అవార్డు వరించింది. ఈ మేరకు 2018 ఏడాదికిగాను ప్రతిష్ఠాత్మక 66వ జాతీయ చలనచిత్ర అవార్డులను శుక్రవారం ప్రకటించారు. మహానటి సావిత్రి నటనా కౌశలం గురించి ఎన్నెన్నో గొప్ప కథలు. ‘ప్రేమ, విషాదం ఒకేసారి కళ్లలో కనిపించాలి.. విషాదమేమో కరిగి కన్నీరై ఒకే కంట్లోంచి రావాలి.. అదీ గ్లిజరిన్‌ లేకుండా’ అని దర్శకుడు చెబితే.. ‘ఎన్ని కన్నీటి బొట్లు కార్చాలి’ అని అడిగి మరీ సరిగ్గా అన్నే చుక్కల కన్నీటితో విషాదం పలికించి ఔరా అనిపించిన మహానటి ఆమె! అంత గొప్ప నటి యొక్క జీవిత చరిత్రను కళ్ళకుకట్టినట్లుగా..చూపిస్తూ ప్రేక్షల మనసును దోచుకుంది కీర్తి సురేశ్.మహానటి చిత్రంతో తన నటనా రంగానికే వెన్నె తెచ్చింది కీర్తి సురేశ్.ఈ మహానటి చిత్రం కీర్తి సురేశ్ కు తన జీవితంలో స్థిరస్తాయిగా నిలిచిపోతుందనే చెప్పుకోవచ్చు. |
