Një helikopter që transportonte presidentin iranian Ebrahim Raisi dhe ministrin e tij të Jashtëm u rrëzua këtë të diel teksa po kalonte në një terren malor të mbuluar nga mjegulla e dendur, në rrugën e kthimit nga një vizitë në kufirin me Azerbajxhanin, ku u takua edhe me homologun Ilham Alijev.

Fati i jetës së tyre është ende i paqartë, ndërsa një zyrtar iranian i tha agjencisë së lajmeve Reuters se detajet janë mjaft shqetësuese dhe se jeta e figurave të larta shtetërore të këtij vendi ishte në rrezik. Në zonë janë nisur dhjetëra grupe të kërkim-shpëtimit, por terreni dhe moti i keq është duke vështirësuar punën. Televizioni shtetëror iranian ndaloi të gjithë programet e tij duke i kërkuar popullit të lutet për Raisin.

63-vjeçari u zgjodh president në 2021, dhe që nga marrja e detyrës ka urdhëruar një shtrëngim të ligjeve të moralit duke goditur në mënyrë të përgjakshme protestat antiqeveritare dhe ka shtyrë fort në bisedimet bërthamore me fuqitë botërore. Në Iran, fjalën e fundit e ka Lideri Suprem dhe jo presidenti. Janë të shumtë ata që e shohin Raisin si një pretendent për të pasuar udhëheqësin Suprem Ayatollah Ali Khamenei.

Tv Klan

SUBSCRIBE to “RTV KLAN” on YouTube for more videos!

Email: info@tvklan.al

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow Tvklan on Instagram: https://www.instagram.com/rtvklan/
Programet e Tv Klan mund t’i ndiqni edhe në faqen https://tvklan.al/programe/