“Male spektakolare, lugina të egra, lumenj të pazbutur. Në Shqipëri për një arratisje të egër.”

Me këtë titull, gazeta e njohur franceze “Le Figaro”  i ka kushtuar një reportazh të gjatë natyrës shqiptare dhe hapjes së saj për turistët e huaj.

Me një foto nga Parku Kombëtar i Luginës së Vjosës, gazetari francez Christophe Migeon, e quan atë një lumë të lirë dhe krenari të Shqipërisë.

Në reportazh theksohet se peripecitë e historisë shqiptare mbajtën një pjesë të madhe të vendit larg zhvillimit për gati gjysmë shekulli.

Sot Shqipëria, sipas “Le Figaro” po u hapet dalëngadalë udhëtimeve të ecjes në natyrë dhe aventurave.

Ajo që gazetarit francez i bën përshtypje është ruajtja ende e traditave vendase pavarësisht varfërisë dhe diktaturës së egër apo dhe modernizimit që erdhi pas hapjes me botën.

Shkrimi i prestigjiozes franceze është një ftesë për lexuesit e saj për të vizituar vendin tonë, jo vetëm për plazhet e bukur, por edhe për malet, njerëzit, kulturën dhe historinë.

Ishin mbi 126 mijë francezë që vizituan vendin në 2023 me një rritje të fortë prej 60% më shumë se një vit më parë.

Në vazhdën e jehonës që po bën turizmi shqiptar këtë fundjavë, vjen një shkrim edhe nga austriakja “Kronen Zeitung” e cila gjithashtu e konsideron vendin tonë një detinacion të ri në Mesdhe.

“Nëse kërkoni diçka ndryshe, nuk duhet të humbisni Shqipërinë si një alternativë në Mesdhe. Vendi ende i panjohur ballkanik është lehtësisht i arritshëm, dhe dukshëm më pak i mbushur me njerëz”, shkruan e përditshmja austriake.

Ajo veçon Rivierën shqiptare, por edhe qytete si Tirana, Durrësi, Berati dhe Kruja.

Tv Klan
#lefigaro #natyra
SUBSCRIBE to “RTV KLAN” on YouTube for more videos!

Email: info@tvklan.al

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow Tvklan on Instagram: https://www.instagram.com/rtvklan/
Programet e Tv Klan mund t’i ndiqni edhe në faqen https://tvklan.al/programe/