Nadeem Sarwar | Jahan Hussain Wahan | 2010 | جھاں حسین وھاں لا اله الا الله

➽ Subscribe ➽https://bit.ly/YaAliYaHussainonline 🔔 Stay updated!

Jahan Hussain a.s Wahan La Ilaha Ilallah

Namaz Nafs ki izzat hai Auliya ki kasam
Namaz deen ki hurmat hai ausiya ki kasam
Namaz Husn-e-Sharafat hai Anmbiya ki kasam
Namaz Qissa-e-wahdat hai Kibriya ki kasam
Namaz khair-e-amal ki taraf bulati hai
Namaz Ishq-e-Khuda ka hunar sikhati hai
Namaz Abd ko Mabood se milati hai
Namaz Guftogo ALLAH se karati hai
Yehi Namaz Gunahoon se bhi bachati hai
Namaz Qabr talak saath saath jati hai
La ilaha illalla ALLAH(x3)

Namaz wo hai jo faqo'n mein Mustafa(SAWW) ne parhi
Jaga k apney hi qatil ko Murtaza(AS) ne parhi
jo chakkiyo'n ki mushaqat mein FATIMA(AS) ne parhi
Galley laga k Zehar ko jo Mujtaba(AS) ne parhi
Jo chahta hai ke azmat Namaz ki dekhey
Mere Hussain(AS) ka wo sajda Akhri dekhey
parhi namaz jo Abid(AS) ne Pusht-e-Naka per
ada kiya jisey Baqir(AS) ne sakhtiyaan seh kar
Bayan kiya jisey Jafar(AS) ne Bar sar-e-mimber
Ruk'u mein barso'n rahey jis k Kazim-e-Muztar(AS)
Raza(AS) ne Lab pe Sari-ar-Reza saja k parhi
Taqi(AS) ne taqwa e Butalibi a.s bata k parhi
Naqi(as) ne Naqvat-e-batil mita mita k parhi
Aur Askari a.s ne Khabar aakhri suna k parhi
pas e namaz Musallay pe ro raha hai koi
Imam-e-Asar hai aur Hujjat-e-Khuda hai wohi
Jahan Hussain(as) wahan la ilaha illallah,
khateeb-e-nook-e-sina la ilaha illallah(x2)

Wo khaima gah wo sedaniya'n wo zikar-e-Khuda
jahan Musallay pe Zainab(as) Rubab(as) aur Fizza(as)
Hassan(as) ki Bewa Ruqayya(as) Sakeena(sa) ka sajda
Tamam Bibiya'n s.a kartien thien sirf ek dua
mere Khuda hamein manzoor kehat-e-Aab Rahey
Hussain apney Irado'n mein kamyaab rahey
Sada e Tishna laba'n(x2) la ilaha illallah
Jahan Hussain(as) wahan la ilaha illallah
khateeb-e-nook-e-sina la ilaha illallah(x2)

Magar Namaz se poocho ke Karbala kya hai
Hussain a.s aur tera Rishta-e-wafa kya hai
Kaha namaz ne Sun lo meri baqa kya hai
Bus ek sajda-e-Shabbir(AS) k siwa kya hai
Hussain(AS) hi ka gharana bacha gaya mujh ko
Woh khud ujar gaya lekin saja gaya mujh ko
Mayan-e-Karbobala Aah mein ne kya dekha
Ghira layeeno mein Kunba Rasool(SAWW) ka dekha
Botool s.a zado'n ko be aab o be ghiza dekha
bahata paani udher lashkar e jafa dekha
Namaz parhtey rahey dil mein izteraab na tha
guzar gaye they kai din k ghar mein aab na tha
batao'n kesey k dasween ko mein ne kya dekha
sehar hoi tu shahadat ka silsila dekha
kisi ka Seena zakhmi tu koi Gala dekha
lab-e-Furaat Alam khoon mein bhara dekha
Hussain (AS) lashoon pe laashey yunhi uthatey rahey
Aur apni Rah-e-Shahadat ki samt jaatey rahey
Kamar Ruku' ki tarhan thi magar Hussain a.s uthey
ke ahl-e-zulm pe lazim tha ab k taigh chaley
Ghazab ki taigh chali koi rokta kaisey
Imam-e-waqt they ALLAH ki Reza pe rukey
Azaan-e-Asar suni(x2) dekha alam e bala
Kaha Hussain(as) ne SUBHANA RABI Yal Aala
Ayi sadaye ghaib ibadat ka waqt hai
aye Fatima(AS) k lal tilawat ka waqt hai
Jannat mein saf bandhi hai Imamat ka waqt hai
Bus bus Hussain(AS) Bus ye ibadat ka waqt hai
Rakhli Mayan mein Shah e wala ne Zulfiqaar
wo Ghol bandhey aye Kaman dar Das Hazaar
Wo beshumaar taighoon k phal aur ek Hussain a.s
wo senkroon payam-e-ajal aur ek Hussain (As)
Dobey hoye they Khoon mein Geysuo Hussain (AS) ke
teeron ne chaan daaley they pehlo Hussain (AS) ke
Naizey ka biney Rehab ne pehlu pe kiya waar
Kaandhey pe chali saath zarara ki bhi talwaar
Nawaq biney Kahil ka kalejey ke hua paar
baazo mein daraya tabara e khoon liye khoon khuwaar
taighein uthi hoin jo brabar se chal gayen
Ghash aa gaya kadam se raqabein nikal gayen
kyun kar kahoo'n k arsh-e Khuda khaak per gira
Khair-un-Nisa s.a ka mah e laqa khaak per gira
reti pe Mustafa(SAWW) k jigar ka laho gira
Syed gira Imam gira Naik Khoon Gira
Wo zulm ho raha tha k dunya ulat'ti thi
Jub zair-e-taigh gardan-e-Shabbir a.s kat'ti thi
wo kund Taigh Zainab(AS) o Zahra(AS) pe chalti thi
Matam Kuna Namaz thi aur khoon roti thi
Jaari thi ye sada k NABBI (SAWW) ka nawasa hun
Amma' Pilaao paani mein mein pyasa hun,
mein pyasa
Ajab Andaaz se Namazi Namaz parh k gaya
Behan k samney Nook-e-Sina pe charh k gaya
Nazar mein Bhai k sajdey ki Aab-o-taab jo thi
Behan ne Sar khuley Maqtal mein Maghrebain parhi
Nazar k saamney har meh laka ki laash rahi
Magar jaley hoye Khemo'n ki jaa namaaz bhechi
Gham-e-Hussain(AS) ki barchi Utha gayen Zainab(AS)
Magar Namaz ki Duniya Basa k gayen Zainab (AS)


Links

www.yaaliyahussain.com

https://www.facebook.com/YaAliYaHussainonline

https://twitter.com/YaAliYaHussainn

https://www.youtube.com/channel/UCZ_Zcz_sXccmSN921kmxp3g

https://www.instagram.com/yaaliyahussainn