Complete Lyrics Of The Qawwali:-
Aisa Bun'na Sawarna Mubarak Tumhein
Kam Say Kam Itna Kehna Hamara Karo

Aisa Bun'na Sawarna, Un Ka Bun'na Sawarna
Woh Kia Sawar Ga'ay Meri Qismat Sawar Gayi
Un Ka Bun'na Sawarna Aisa Bun'na Sawarna

Woh Agar Bun Sawar Ga'ay Hoon Gay
Daikhnay Walay Mar Ga'ay Hoon Gay
Un Ka Bun'na Sawarna Aisa Bun'na Sawarna

Hazaaroon Wadae Shab Us Nay Is Sorat Say Palay Hein
Kabhi Mehndi Lagayi Hai Kabhi Gayso Sambhalay Hein
Un Ka Bun'na Sawarna Aisa Bun'na Sawarna

Mareezon Ka Dam Aankhon Mein Hai Woh Hai Mehv-E-Araish
Wahaan Hoonton Ki Lali Hai Yahaan Jaanon K Lalay Hein
Un Ka Bun'na Sawarna Aisa Bun'na Sawarna

Hazaroon Faryaad Kar Rahay Hein Magar Kisi Per Nazar Nahi Hai
Woh Mehv Hein Aaine Mein Aisay K Un Ko Apni Khabar Nahi Hai
Un Ka Bun'na Sawarna Aisa Bun'na Sawarna

Aainay Mein Har Ada Ko Daikh Ker Kehte Hein Wo
Aaj Yeh Daikhein Gay Hum Kiss Kiss Ki Aayi Howi
Un Ka Bun'na Sawarna Aisa Bun'na Sawarna

Sajne Ke Waqt Yeh Bhi Zara Daikhte Nahi
Aa'ina Daikha Hai Unhein Kiss Nigaah Say
Un Ka Bun'na Sawarna Aisa Bun'na Sawarna

Unhein Aaraish-E-Gesu Say Matlab
Koi Deewana Ho Ja'ay Bala Say
Un Ka Bun'na Sawarna Aisa Bun'na Sawarna

Aisa Bun'na Sawarna Mubarak Tumhein, Kam Say Kam Itna Kehna Hamara Karo
Chaand Sharmaye Ga Chaandni Raat Mein, Yoon Na Zulfon Ko Apni Sanwara Karo

Yeh Tabassum Yeh Aariz Yeh (Roshan Jabeen)? Bhi, Yeh Ada Yeh Nigahein Yeh Zulfen Haseen
Aa'ine Ki Nazar Lag Na Jaye Kaheen, Jaan-E-Jan Apna Sadqa Utara Karo

Dil To Kia Cheez Hai Jaan Say Jain Gay, Mout Aanay Say Pehle He Mar Jain Gay
Yeh Ada Daikhne Walay Lut Jain Gay, Yoon Na Hans Hans Ke Dilbar Ishara Karo
Kya Qayamat Yeh Ada Hai Yeh Ada Kya Qayamat

Her Ada Mastana Sir Say Paoon Tak Chaayi Howi
Uff Teri Kaafir Jawani Josh Per Aai Howi
Kya Qayamat! Yeh Ada Hai Yeh Ada Kya Qayamat

Bismil? Ka Khuda Hafiz, Qatil Ka Khuda Hafiz
Tum Jiss Dil Per Nazar Daalo Us Dil Ka Khuda Kafiz
Kya Qayamat! Yeh Ada Hai Yeh Ada Kya Qayamat

Andaaz Apne Daikhte Hein Aa'ine Mein Woh
Aur Yeh Bhi Daikhte Hein Koi Daikhta Na Ho
Kya Qayamat! Yeh Ada Hai Yeh Ada Kya Qayamat

Dil Churanay Ki Ada Khaas Hoa Karti Hai
Daikh Letay Hein Woh (Us)? Deeda Nazar Say
Kya Qayamat! Yeh Ada Hai Yeh Ada Kya Qayamat

Zara Un Ki Shokhi To Daikhiyeh Liyeh Zulf-E-Kham Shuda Haath Mei
Mere Paas Akay Dabay Dabay Mujhe Saanp Keh Ke Dara Dia
Kya Qayamat! Yeh Ada Hai Yeh Ada Kya Qayamat

Dil Mera Lay Ker Yeh Zalim Ne Kaha
Jao (Rasta Lo)? Tumhara Kuch Nahi
Kya Qayamat! Yeh Ada Hai Yeh Ada Kya Qayamat

Angari Le Ke Us Ne Mujh Per Khumaar Dala
Zalim Ki Is Ada Ne Bus Mujh Ko Mar Dala
Kya Qayamat! Yeh Ada Hai Yeh Ada Kya Qayamat

Angari Bhi Wo Lene Na Paye Utha Ke Haath
Daikha Mujhe To Chor Diyeh Muskara Ke Haath
Kya Qayamat! Yeh Ada Hai Yeh Ada Kya Qayamat

Yeh Ada Daikhne Walay Lut Jain Gay Yoon Na Hans Hans Ke Dilbar Ishara Karo
Fikr-E-Uqba Ki Masti Utar Ja'ay Gi
Fikr-E-Uqba Ki Masti Utar Ja'ay Gi

Fikr-E-Uqba Ki Masti Utar Ja'ay Gi Tauba Tooti To Qismat Sanwar Ja'ay Gi
Tum Ko Dunya Mein Jannat Nazar Aa'ay Gi Shaikh Ji Mai-Kade Ka Nazara Karo

Kaam Aa'ay Na Mushkil Mein Koi Yahaan, Matlabi Dost Hein Matlabi Yaar Hein
Is Jahan Mein Nahi Koi Ehl-E-Wafa, Ey Fana Is Jahan Say Kinara Karo

Aisa Banna Sanwarna Mubarak Tumhein Kam Se Kam Itna Kehna Hamara Karo
THE END