龔水CP情侶裝現身 大小姐演賭片經典角被讚神似

龔水CP情侶裝現身 大小姐演賭片經典角被讚神似
一眾《愛‧回家之開心速遞》演員呢日參加秋祭野餐宣傳活動，由「龍家」及「洪家」嘅演員率領大家炮製野餐食物，劉丹 同「阿蟹」 呂慧儀 長腳蟹 戲裡戲外感情要好，丹爺說：「阿蟹、阿滕(#滕麗名 )、我細佬(#單立文)佢哋幾個係主要搞手，因為我對食嘢冇咩研究，你整一餐齋蕃薯芋頭，我都鍾意食。」身旁嘅呂慧儀大讚丹爺為人好隨和。 丹爺兒子 #劉愷威 最近參加中年男士選秀節目，見阿仔重拾久違嘅歌手身份，丹爺亦有留意阿仔喺中秋晚會嘅演出，不過丹爺話：「另外嗰個節目，我唔知咩台，所以睇唔到，我都想睇！」呂慧儀說幫阿爸喺手機整，方便睇「阿哥」演出，不過丹爺話：「唔得！細得滯。」 大小姐 林淑敏 Mandy 喺劇中不時有靚衫著，早前整模仿電影《#賭神 》嘅 #西脇美智子 經典造型，連劇中爸爸「大龍生」羅樂林都激讚神似：「之前拍我見唔到，不過出街嗰陣我見到，出嚟好正！我哋個年代拍賭片都有呢啲誘惑人嗰個(造型)好有氣勢。」林淑敏則指梳頭化妝幫忙好大。 「#龔水CP」呢日著情侶裝現身， 張景淳 Stanley Cheung 被問消失宣傳一段時間，近期先回歸頻密現身，張景淳承諾之後多啲跟觀眾見面，感謝大家支持，佢透露目前拍緊嘢：「劇集keep住有拍，有啲廣告商活躍番，有做一啲外面嘅job，大家只愈來愈見到我。」 #愛回家之開心速遞 #秋祭 #野餐 #劉丹 #呂慧儀 #劉愷威 #林淑敏 #西脇美智子 #羅樂林 #龔水CP #張景淳




#TVB #無綫新聞 #News #StayHome #WithMe #跟我一樣 #宅在家