許冠傑偕囝囝侄仔為個唱綵排| 預告特設環節向故友黃霑致意|HK E News 娛樂新聞報道 |
|
許冠傑偕囝囝侄仔為個唱綵排| 預告特設環節向故友黃霑致意|HK E News 娛樂新聞報道
下個月尾歌神 Sam Hui 許冠傑 就會再一次舉行紅館演唱會,呢日阿Sam就同大仔 The Stay Up 許懷欣 、細仔 許懷谷 (Scott Hui) ,以及侄仔 許思維 一齊綵排為個唱做準備,一聽到佢地唱耳熟能詳嘅經典歌《半斤八兩》同埋《賣身契》,回憶即刻反晒來呀!阿Sam透露今次舞台設計以吉他為概念,全部都係音樂元素,而歌衫方面都會重新打造。 今次個唱有一個環節係向故友黃霑致敬,阿Sam透露,好多年前霑叔寫咗首歌俾自己,叫做《紫信箋》,但因為當時張專輯啲歌已經錄晒,所以就冇錄到呢首歌,今次個唱諗起首作品,但因為相隔太耐,已經搵唔到份歌詞,唯有憑當年嘅記憶拼湊出一份新嘅歌詞,希望霑叔會鍾意。 阿Sam嘅歌曲唔只係大家嘅集體回憶,連日本當紅女子跳舞團體Avantgardey都以阿Sam經典作《打雀英雄傳》編咗一支舞蹈,阿Sam都話有留意到,唔止讚佢地跳得好得意,仲話如果有機會都好樂意同佢地合作呀! #許冠傑 #許懷欣 #許懷谷 #許思維 #黃霑 #半斤八兩 #賣身契 #打雀英雄傳 #紫信箋 #Avantgardey #TVB #無綫新聞 #News #StayHome #WithMe #跟我一樣 #宅在家 |