星光路上完整版｜怕醜仔入娛樂圈代母圓夢 ｜羅天宇突破內向性別演活現代男｜HK E News 娛樂新聞報道

明明係參加《2008香港先生選舉》以泳褲出場大騷幹練肌肉入行，偏偏 羅天宇JoeyLaw 每次出現就係一位斯文怕醜，不時帶住微笑嘅鄰家仔仔，今次《星光路上》 潘盈慧 Adwinner Poon 就直接問問佢兩劇同步中同本尊完全唔同嘅角色點樣演出。

自細已經學會文武周身刀嘅Joey，運動彈琴乜都識，由澳洲放假返港，同樣受橫掃全球嘅韓流影響而開始集舞，仲因為咁而棄學業全心投入，仲笑言如果年輕10年隨時會舉手加入《亞洲超星團》。

Hip Hop學到拉丁，仲因為《舞動奇蹟》而誤打誤撞報名參加港男，更成為少年組冠軍。進而加入訓班成為演員。原來媽咪當亦為藝訓班學員，更曾參加選美，Joey指媽咪嘅支持，無形中代佢圓當年未竟嘅夢想。

加入成為演員由低學起，角色行行企企無甚滿足感，卻被安排《愛回家》演出，同一眾經驗豐富演員合作嘅5年經驗，令Joey對演戲既有滿足感亦更加深興趣。

到踏入30歲，思想變得成熟，又被安排加入《跳躍生命線》演出，深感機會需好好把握嘅佢如獲至寶，窮所有精力做好每一個細節，而壓力亦令佢狂冒白髮，潛心改變自己Mind Set。

之後嘅《香港愛情故事》首次擔正，貼地故事同現實背景，Joey嘅演出大獲觀眾好評，亦令當時嘅編導 林肯 滿意，間接促成《婚後事》再挑戰觀音兵拒負責任嘅角色。

做兵做到變大將軍再娶女神，自然演出皆因本身係好友，而《再見.枕邊人》中一個流氓律師，爆笑裝扮連再講都笑唔停，Joey就指當日周街都係圍觀途人，要克服尷尬嘅專注力非常艱難。

經過兩部各有不同嘅劇集角色，Joey希望繼續挑戰唔同角色，更希望有機會演出更多動作打鬥戲，而新一輯《巾幗》就有機會初嚐當中滋味喇。

#星光路上 #羅天宇 #婚後事 #再見枕邊人 #港男 #少年組冠軍 #愛回家 #跳躍生命線 #香港愛情故事




#TVB #無綫新聞 #News #StayHome #WithMe #跟我一樣 #宅在家