#mubaraksaddiqui #besturdupoetry #gilaniscollections #sadpoetry
Kamal Ye Hai | Mubarak Siddiqui | Urdu Poetry | WhatsApp Status | Gilani's Collection

Voice : Syed Zulfiqar Gilani
Poet : Mubarak Siddiqui
Editing & Visual Effects : Maryam Gilani

ḳhizāñ kī rut meñ gulāb lahja banā ke rakhnā kamāl ye hai
havā kī zad pe diyā jalānā jalā ke rakhnā kamāl ye hai

zarā sī laġhzish pe toḌ dete haiñ sab ta.alluq zamāne vaale
so aise vaisoñ se bhī ta.alluq banā ke rakhnā kamāl ye hai

kisī ko denā ye mashvara ki vo dukh bichhaḌne kā bhuul jaa.e
aur aise lamhe meñ apne aañsū chhupā ke rakhnā kamāl ye hai

ḳhayāl apnā mizāj apnā pasand apnī kamāl kyā hai
jo yaar chāhe vo haal apnā banā ke rakhnā kamāl ye hai

kisī kī rah se ḳhudā kī ḳhātir uThā ke kāñTe haTā ke patthar
phir us ke aage nigāh apnī jhukā ke rakhnā kamāl ye hai

vo jis ko dekhe to dukh kā lashkar bhī laḌkhaḌā.e shikast khaa.e
laboñ pe apne vo muskurāhaT sajā ke rakhnā kamāl ye hai

Follow us on:
Facebook:
https://www.facebook.com/GilanisCollection
Twitter:
https://twitter.com/GilanisCollect1
instagram:
https://www.instagram.com/gilanicollection