Jab Khuda Ko Pukara Ali Aa Gaye Lyrics In Urdu and Roman Urdu
جب خُدا کو پُکارا علیؑ آگئے
Jab Khuda Ko Pukara Ali Aa Gaye Jab Ali Aa Gaye Zindagi Aa Gayi.
Zindagi Bandagi Roshni Aa Gayi Roshni Aa Gayi Aa Gahi Aa Gayi.

Ghusal-e-Maiyyat Na Kehna Marey Ghusal Ko Ujlay Malboos Ko Mat Kafan Naam Do.
Main Chala Hoon Ali Se Mulaqaat Ko Jis Ki Thi Aarzu Woh Ghari Aa Gayi.

Maut Inn Ke Muhibbon Ko Aati Nahi Aa Bhi Jaye Tu Phir Bach Ke Jati Nahi.
Maut Ka Kya Khatar Maut Se Kya Hazzar Iss Se Bachna Bhi Kya Aa Gayi Aa Gayi.

Teri Masnad Pe Ghairon Ko Bithla Diya Nayab-e-Mustafa Mazhar-e-Kibriya.
Tu Wasi-o-Wali-o-Ali Hi Raha Manzalat Mein Teri Kya Kami Aa Gayi.

Hum Keh Sarshar Ishq Our Tawalla Mein They Jantay Hi Na They Nafrat-o-Dushmani.
Yeh Tabara Bhi Wallah Kya Cheez Hai Hum Ko Agyar Se Dushmani Aa Gayi.

Maslak-e-Ishq Mein Mangna Aib Hai Main Bhi Khamosh Hoon Woh Bhi Khamosh Hain.
Unn Ko Sab Hai Khabar Iss Liye Chup Hoon Main Kya Howa Aankh Mein Gar Nami Aa Gayi.

Khums Dena Mawaddat Ki Ik Shart Hai Our Na Dena Bhi Misal-e-Fidak Hai Gunah.
Haq-e-Sadaat-o-Zahra Ke Maqroz Se Jab Tabara Suna Tu Hansi Aa Gayi.

Kyun Na Roein Woh Qismat Ko Apni Sada Jin Ka Pora Muqadar Hai Lanat Zadah.
Jin Ki Qismat Mein Apne Hi Amal Se Bint-e-Ahmad Ki Narazgi Aa Gayi.

Sorah-e-Aal-e-Imran Bhi Hai Gawah Misal-e-Kausar Hoi Aal Unn Ko Atta.
Woh Jo Kehte They Abtar Nabi Ko Mere Unn Ki Qismat Mein Hi Abtari Aa Gayi.

Jis Ka Maula Tha Main Oss Ka Maula Ali Jab Nabi Ne Kaha Deen Kamil Howa.
Marhaba Mustafa Rab Bhi Razi Howa Woh Jo Aana Thi Aayat Wohi Aa Gayi.

Jibreel Our Qanbar Par Kiya Munhisar Dar Tera Chor Kar Koi Jata Nahi.
Jo Ghulami Ka Teri Maza Pa Gaya Raas Jis Ko Teri Nokari Aa Gayi.

Ishq-e-Haider Mein Phirtay They Sham-o-Sahar Unn Ke Madah Hain Sare Jin-o-Bashar.
Unn Ki Aawargi Ka Safar Dekh Kar Zehan Mein Fikar-e-Aawargi Aa Gayi.

Ishq Jab Tak Na Ho Shair Hota Nahi Mujh Mein Kab Ahliyat Thi Teri Madah Ki.
Mere Maula Main Qurbaan Tere Ishq Ke :SIBT-E-JAFAR: Ko Bhi Shayari Aa Gayi.

Shayari Ki Sharait Bata Bhi Gaye Our May-e-Ishq-e-Haider Pilla Bhi Gaye.
:SIBT-E-JAFAR: Main Qurbaan May-e-Ishq Ke Ibn-e-:JAFAR: Ko Bhi Shayari Aa Gayi.

Poet: :Ustad Sibt-e-Jafar:
Manqabat Khuwan: :Mir Hasan Mir:
Manqabat Volume: :Mir Hasan Mir 2013-14:

#JabKhudaKoPukaraAliAaGaye
#ManqabatLyrics