紅白大戰丨龍婷同緋聞男友丁文俊劃清界線 支嚳儀組期間限定女子組合

歷時半年嘅《中年好聲音》賽果塵埃落定，而嚟下個月7號，一眾選手將會挑戰《中年好聲音紅白大戰》，呢日蘇永康同周吉佩、李佳、羅啟豪、龍婷、丁文俊、支嚳儀、顏志恒、李思林及曹敏寶等現身節目綵排。

屆時將會同前助手丁文俊合唱嘅蘇永康，就寄語一眾選手，話比賽已經完咗，名次等都應該推冧佢程新嚟過，又話之後每位對自己嘅表演有幾專注，都要睇眾人嘅造化，但阿公就話希望大家可以堅持落去。阿公又指TVB有唔少機會同平台，建議大家可以同監製自薦下，做主持或者拍下劇咁。

之前龍婷因為同丁文俊合唱而傳緋聞，但嚟緊喺《紅白大戰》佢哋就變成對手，龍婷笑言之前緋聞都係為收視，而家播完，私人生活可以歸返私人生活，問到係咪要劃清界線？佢就話大家私下都係朋友呀，又笑言叫公司開返套《中年好緣份》呀。

將留咗3年嘅鬚剃晒嘅羅啟豪，笑言自己由50歲變咗30歲。支嚳儀就預告喺大戰入面會有個期間限定四人女子組合，而家佢哋積極排緊舞喇。至於將會同好友謝東閔合唱嘅曹敏寶，就指呢次係佢哋首度合唱呀。

#中年好聲音 #紅白大戰 #蘇永康 #周吉佩 #李佳 #羅啟豪 #龍婷 #丁文俊 #支嚳儀 #顏志恒 #李思林 #曹敏寶 #謝東閔 #緋聞 #女子組合 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
https://www.facebook.com/TVBENews

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0