容祖兒 Joey Yung 以露腰粉紅舞衣現身，大騷小蠻腰，年初三（1月24日）沙田馬場舉行嘅農曆新年活動，獻唱《越唱越強》等多首金曲，帶旺全場，Joey自2008年後再度為賀歲賽事擔任嘉賓。 Joey指年三十晚一班同事去老闆楊受成家中團年，今次有Gin李幸倪、陳慧嫻同彭秀慧等，Joey好開心難得齊人，Joey年初一、初二留在家中，因為弟弟啱啱迎來第二個小朋友，屋企又忙又熱鬧，陣容頂盛；Joey踏入兔年希望身體健康、少啲病痛，先完成3月新加坡個唱、4月到澳門做8場騷，之後就返香港工作，有意開騷。 講起好姊妹鍾欣潼1月21號生日，Joey指好友仍未返港，不過佢已買生日禮物，等鍾欣潼返嚟一齊食嘢，鍾欣潼被指重回完美巔峰狀態，Joey戥好友高興：「條腰嚟咗就唔好畀佢走，佢而家多咗一份自信同女人味……咁多年喺美貌冇得鬥，幾時都好，佢都係第一。」 #容祖兒 #越唱越強 #鍾欣潼

近日不停擔任唔同活動司儀嘅 Veronica Shiu 邵珮詩 's Fans Page 呢日又為一個過渡房屋計畫動土禮擔任主持喇，Veronica主持嘅唔少活動都係慈善性質，佢就話好似生活都被慈善事業所圍繞咁，雖然忙不過就過得非常有意義喇。 Veronica同時又身為港姐組織 慧妍雅集 嘅秘書，近日仲事隔3年再舉辦嘅籌款晚宴安排大量籌備工作，加上又要同贊助商開會，難怪佢話自己忙到一頭煙啦。 #邵珮詩 #主持 #慧妍雅集 #秘書 #慈善晚宴


#TVB #無綫新聞 #News #StayHome #WithMe #跟我一樣 #宅在家